AAA
Обычный Черный

Батыс Қазақстан облысының әкімдігі денсаулық сақтау басқармасының «Облыстық психикалық денсаулық орталығы» мемлекеттік коммуналдық қазыналық кәсіпорыны («ОПДО» МКҚК) психикалық бұзылыстармен сырқаттанған адамдарға стационарлық жағдайда тексеру жүргізетін және

емдейтін, амбулаториялық емдеуді және әлеуметтік-еңбектік оңалтуды жүзеге асыратын емдеу-профилактикалық мекемесі болып табылады.

Қазақстан Республикасы аумағында психикалық аурулармен ауыратын науқастарға көмек көрсетуді ұйымдастырудың бастауындаалғашқы1861 жылы Орал облысындаақыл-есінен алжасқандар үйінің ашылуы тұрды.

Ақыл-есінен алжасқандар үйінің Орал казактары әскерінің ауруханасы жанынан 10 кереуеттік психиатрия бөлімшесі болып қайта құрылуы науқастарға қарапайым медициналық жәрдем көрсетудің бастауы болатын.

ХIХ ғасырдың аяғында Жымпитының Земстволық ауруханасында осындай науқастарға арналған 6 кереуеттік орын бөлініп, ол 1920 жылға дейін жұмыс істеді.

1956 жылға дейін Орал облыстық клиникалық ауруханасының психоневрологиялық бөлімшесі құрамында психиатриялық науқастарға 15-тен 25-ке дейін кереуеттік орын болды.1956 жылы 1-шілдеде Оралда 75 орындық психоневрологиялық диспансер ұйымдастырылды. Бас дәрігері болып Гельчинский Исаак Яковлевич тағайындалды. 1965 жылы типтік жобадағы облыстық психиатриялық аурухана құрылысы басталып, 1969 жылы бір емдеу корпусы пайдалануға беріледі, ал құрылыс толықтай 1973 жылы аяқталды.

1973 жылдан бастап Орал қаласында Қазақстан Республикасындағы ең үздік ауруханалардың бірі саналатын 700 орындық облыстық психиатриялық аурухана жұмыс жасап келеді. Аурухананың алғашқы бас дәрігері Письман Семен Петрович болды.

1992 жылы Орал облыстық психиатриялық ауруханасы Батыс Қазақстан облысының психикалық денсаулық орталығы болып қайта құрылды.

2005 жылы Батыс Қазақстан облысының психикалық денсаулық орталығының атауы БҚО «Облыстық психикалық денсаулық орталығы» мемлекеттік мекемесі болып өзгертілді.

2009 жылы БҚО «ОПДО» ММ Батыс Қазақстан облысының әкімдігі денсаулық сақтау басқармасының «Облыстық психикалық денсаулық орталығы» атауына ие болды.

2011 жылдан бастап «ОПДО» ММ Батыс Қазақстан облысының әкімдігі денсаулық сақтау басқармасының «Облыстық психикалық денсаулық орталығы» мемлекеттік коммуналдық қазыналық кәсіпорыны болып аталады.







Жаңалықтар

21 февраля 2020 г.
24 наурызда Дүниежүзілік туберкулезге қарсы күрес күні атап өтіледі.
19 февраля 2020 г.
БҚО әкімдігі денсаулық сақтау басқармасының ШЖҚ «Облыстық психикалық денсаулық орталығы» МКК қала және облыс тұрғындарына «2019-2021 жылдары психикалық денсаулықты қорғауды дамыту жөніндегі іс-шаралар туралы» жол картасының 8-тармағын орындау үшін ҚР ДСМ 2019 жылғы 31-қаңтардағы №30 бұйрығы негізінде қалалық емханалардың базасында алғашқы психикалық орталықтары ашылуда. Психиатр-нарколог дәрігердің диспансерлік есебінде тұратын адамдар және психиатр-нарколог дәрігерден консультациялық көмек алғысы келетін адамдарға арналған амбулаториялық-емханалық көмек 2020 жылғы 02-наурыздан бастап келесі медициналық ұйымдардың базасында бойынша жүргізіледі
14 февраля 2020 г.
2020 жылғы 14-ақпанда ШЖҚ «Облыстық психикалық денсаулық орталығы» МКК базасында аутистік спекті бар балалармен ведомствоаралық жұмыс жүргізу мәселелері бойынша кеңес өткізілді, аталған кеңеске Облыстық психикалық денсаулық орталығының қызметкерлері және «Асыл Мирас» аутизм орталығының мамандары қатысты.